Një CV nuk duhet të jetë më shumë se dy faqe A4. Për të kursyer hapësirë, përshkruani vetëm pikat kryesore të arsimit dhe përvojës profesionale. Nëse sapo keni marrë diplomën, CV-ja juaj mund të jetë vetëm një faqe, kjo është e pranueshme dhe më e besueshme për rekrutuesin. Disa CV të profilit shkencor mund të jenë më të gjata në varësi të përvojës profesionale apo punimeve shkencore. 

Çfarë duhet përmbajë  CV-ja juaj?

Detaje rreth kontaktit– shkruani emrin e plotë, adresën, numrin e telefonit dhe e-mailin. 

Profili – Profili në  CV vë në dukje cilësitë tuaja kryesore dhe ju ndihmon të dalloheni midis kandidatëve të tjerë. Zakonisht është i pozicionuar në fillim të CV-së, nëpërmjet profilit evidentoni disa arritje dhe aftësi përkatëse, si dhe shpreh qëllimet e karrierës suaj. Përshkrimet personale të CV-së duhet të jenë të shkurtra– 100 fjalë është gjatësia e përsosur.

Edukimi –Përshkruani  dhe datoni të gjithë edukimin tuaj, përfshirë dhe kualifikimet profesionale. 

Përvojat e punës – Renditni përvojën tuaj të punës nga vitet më të hershme deri te viti aktual i punës, duke u siguruar të përmendni çdo gjë të rëndësishme për pozicionin për të cilën po aplikoni. Nëse përvoja e punës suaj është shumë e rëndësishme duhet ta vendosni para arsimit.

Aftësitë dhe arritjet – këtu do të vendosni për gjuhët e huaja dhe aftësitë kompjuterike që zotëroni. Aftësitë kryesore që renditni duhet të jenë të rëndësishme për punën që po aplikoni. Mos i ekzagjeroni aftësitë tuaja reale pasi do të dilnit të zbuluar në intervistë. 

 Interesat – Hobit tuaja nuk do të tërheqin vëmendjen e punëdhënësit nëse nuk lidhen me aftësitë tuaja dhe aplikimin. Interesat përkatëse japin informacion se kush jeni.

Formati i CV-së

• Shmangni fontet që nuk përdoren shpesh. Zgjidhni diçka profesionale si “Monserrat” ose “Times New Roman”. Përdorni një madhësi shkronjash midis 11 ose 12 për të siguruar që punëdhënësit e mundshëm të lexojnë CV-në tuaj. 
• Titujt e CV-së janë një mënyrë e mirë për të tërhequr vëmendje. Sigurohuni që ata të jenë më të mëdha (madhësia e shkronjave 14 ose 16) dhe tërheqës.
• Renditni gjithçka në renditje të kundërt kronologjike.
• Mbajeni koncize duke përdorur hapësirë ​​të qartë dhe bullet points. Ky lloj i paraqitjes së CV lejon rekrutuesit të zgjedhin shpejt informacionet e rëndësishme në fillim.

Si të shkruajmë një CV të mirë

• Një CV e mirë nuk ka gabime drejtshkrimore. Përdorni një kontrollues  drejtshkrimi gjithashtu lexojeni disa herë përpara se ta dërgoni. 

• Shmangni frazat dhe termat e përgjithshëm, të tepruara si “team worker”, “punëtor” dhe “multitasker’’.

• Mos e vendosni termin “curriculum vitae” në krye të faqes.

• Sigurohuni që adresa juaj e e-mailit tingëllon profesionale. Nëse e-maili nuk tingëllon mirë, krijoni një llogari të re profesionale.

Këto janë disa këshilla të  cilat do ju ndihmojë të krijoni një CV profesionale  në syrin e punëdhënësit. 

Përpiquni mos ti kaloni 2 faqe A4 sikurse e evidentuan edhe në fillim, një CV e përmbledhur mjafton për të dhënë informacionin e nevojshëm për pozicionin që do të aplikoni.